CORTE, COSTURA E CONFECCIÓN – Busco actividades

Denominación

Corte, costura e confección

Contidos

Realización de actividades relacionadas co corte, a costura e a confección textil mediante o coñecemento e práctica de diferentes técnicas, como toma de medidas, preparación de patróns sinxelos, corte de tecidos, cosido manual e outras técnicas básicas de elaboración e reparación de pezas. Desenvolvemento de proxectos creativos adaptados ás capacidades das persoas participantes, traballando a precisión, a coordinación óculo-manual, a concentración e a motricidade fina. Fomento do aproveitamento de materiais, a creatividade e a recuperación de coñecementos e técnicas tradicionais de costura.

Obxecto

Favorecer o desenvolvemento das capacidades motrices, cognitivas e creativas mediante actividades de confección e traballo textil. Promover a autonomía persoal, a autoestima e a satisfacción polo traballo realizado, así como fomentar a participación social, o intercambio de coñecementos e a creación dun espazo de aprendizaxe e convivencia.